FUNDAZIOAK
Jarduera ofizialez gain, Filipe jauna zenbait Elkartetako eta Fundaziotako Ohorezko Presidente da, eta horien guztien jardueretan inplikatzen da, lan-bileretan parte hartuz eta horien Patronatuetako bileren buruan jardunez. Horien guztien artean Asturietako Printzearen Fundazioa, Gironako Printzearen Fundazioa eta Hesperia Fundazioa nabarmentzen dira.
Asturietako Printzearen Fundazioa Oviedon sortu zen, 1980ko irailaren 24an, besteak beste, Gizateriaren aurrerabidean lagungarri diren balio kultural eta moral guztiak goresteko eta sustatzeko xedearekin. Fundazioaren ikurrak “Asturietako Printzearen” sariak dira, urtero-urtero ematen direnak eta nazioarteko ospe handia dutenak. Urtero-urtero, urrian, Berorren Errege Gorentasunak ematen ditu sariak, Oviedon.
Gironako Printzearen Fundazioa Gironan sortu zen 2009an gazteei laguntza eskaintzeko helburuarekin, eta, zehazkiago, gazteen espiritu ekintzailea sustatzeko enpresaren, gizartearen, zientziaren eta akademiaren eta kulturaren eremuetan. Impulsa Foroa da Fundazioaren ekitaldi nagusia, eta urtero-urtero Gironan egiten da.
Printzesarekin batera
Hesperia Fundazioko, burua da, 2010. urtean sortu zena gazteen artean, eta bereziki eremu ahulenetan aurkitzen diren gazteen artean, proiektu sozialak sustatzeko helburuarekin.
Gainera, aldian-aldian bilerak egiten ditu, batetik, ekonomia- eta gizarte-garapenaren bidez pobreziaren aurkako borrokan diharduen Codespa Fundazioarekin, eta bestetik, Elcano Errege Institutuarekin, hain zuzen ere Espainian, nazioarteko eta estrategiako harremanen eremuan, pentsamenduari eta ideia-sorkuntzari dagokienez indarrean dagoen “think tank” nagusiarekin.
ZALETASUNAK
Kirolzalea da, oro har, eta, 1992ko Bartzelonako Jokoetan, Belako talde olinpiarreko kide izan zen, Soling klasean. Gainera, Jokoen inaugurazioan, Espainiako taldearen banderarekin desfilatu zuen. Seigarren amaitu zuen, eta horregatik diploma olinpiarra lortu zuen.