En 1981 recibiu o colar da Insigne Orde do Toisón de Ouro, concedido pola Súa Maxestade o Rei don Juan Carlos, Xefe e Soberano da Orde.
O 30 de xaneiro de 1986, ao cumprir os dezaoito anos, xurou ante as Cortes Xerais fidelidade ao Rei, desempeñar fielmente as súas funcións, gardar e facer gardar a Constitución e as Leis e respectar os dereitos dos cidadáns e das Comunidades Autónomas, asumindo a plenitude do seu papel institucional como sucesor á Coroa.
O día 1 de novembro de 2003, as Súas Maxestades os Reis don Juan Carlos e dona Sofía anunciaron o seu compromiso matrimonial con dona Letizia Ortiz Rocasolano.
A
cerimonia relixiosa celebrouse o 22 de maio de 2004 na Catedral de Santa María a Real da Almudena de Madrid.
Teñen dúas fillas; Leonor, Princesa de Asturias, nacida o 31 de outubro de 2005, e a Infanta Sofía, o 29 de abril de 2007, ambas as dúas en Madrid.
O seu pai, o Rei don Juan Carlos I, abdicou a Coroa de España e sancionou a preceptiva Lei orgánica o 18 de xuño de 2014.
O 19 de xuño de 2014, don Felipe pronunciou o Xuramento que recolle o artigo 61 da Constitución e foi proclamado Rei ante as Cortes Xerais, co nome de Felipe VI.
O Rei ten o emprego militar de capitán xeral do Exército de Terra, da Armada e do Exército do Aire, máximo rango militar que lle corresponde en exclusiva como mando supremo das Forzas Armadas.