Armas da Súa Maxestade o Rei
ESCUDO ACUARTELADO:
1.º, de goles, cun castelo de ouro, ameado, mazonado de sabre e aclarado de azur, que é de Castilla;
2.º, de prata, cun león rampante de púrpura coroado de ouro, lampasado e armado de goles, que é de León;
3.º, de ouro, con catro paus de goles, que é de Aragón;
4.º, de goles, cunha cadea de ouro posta en orla, en cruz e en aspa, cun punto de sinople en abismo, que é de Navarra; entado en punta, de prata, cunha granada ao natural, fendida de goles, sostida, tallada e con dúas follas de sinople, que é de Granada. Sobre el todo, un escudete de azur con tres flores de lis de ouro, bordadura de goles, que é de Borbón.
O escudo, timbrado cunha coroa cerrada, que é un círculo de ouro, engastado en pedras preciosas nas súas cores, composto de oito floróns de follas de acanto, visibles cinco, interpolados de perlas na súa cor, dos que parten oito diademas de perlas, vistas cinco, que converxen nun orbe azul, co semimeridiano e o ecuador de ouro, sumado de cruz de ouro, a coroa forrada de vermello e rodeada do colar do Toisón de Ouro.